NorthEastScotland.myfreeforum.org Forum Index NorthEastScotland.myfreeforum.org
The North East Scotland Forum
 
 FAQFAQ   SearchSearch   MemberlistMemberlist   UsergroupsUsergroups   Join! (free) Join! (free)  
 ProfileProfile   Log in to check your private messagesLog in to check your private messages   Log inLog in 

Mintlaw Primary School

 
Post new topic   Reply to topic    NorthEastScotland.myfreeforum.org Forum Index -> Ask for Help in the North East
View previous topic :: View next topic  
Author Message
Please Register and Login to this forum to stop seeing this advertising.






Posted:     Post subject:

Back to top
Wee John



Joined: 23 Dec 2012
Posts: 4458


Location: Between Rochester & Niagara Falls NY USA

PostPosted: Thu Jun 29, 2017 9:02 pm    Post subject: Mintlaw Primary School Reply with quote

A Letter to Aberdeenshire H.Q.     by: Creighton, Elma

Dear Sir, or tae fa it micht concern:

I'm writin tae ye tae compleen aboot the affa traffic congestion at Mintlaw Primary School, especially on a weet Friday efterneen aboot three o'clock fin aa the bairnies get oot.
Aa the mithers arrive in hordes wi muckle cars an yon fower–wheel drive jeep like things tae collect usually ae bairn.

They aa crood inno the car park till it's stappit fu, an then they proceed tae park heid tae tail alang the road.
Aa hell brakks oot fin the buses an larries try tae get throw in baith directions an afore ye ken there's a hootin an tootin o horns that wad fear ye.

Ither cars try tae get intae the car park as the first o them try tae get oot, an nane o them will give way. Patience an unnerstaunin disna come inno it at aa.
Some bonnie day, or maybe some rainy day, there's gaun tae be a smash or somebody hurt, bit that wid be ower late seen.

There's plenty grun on the ither side o the car park that the bairns niver use fur playin on.
Widn't it be reasonable tae takk a bit o that grass an enlarge the car park?
That, tae me, wid be common sense, bit yon cooncil lads are nae gifted wi yon, or sae it wid seem.
I hiv brocht this maitter up afore wi cooncillors, an aa that I get fae them is 'I'll look into it.'

I think they maun be needin their glaisses cheenged, or surely they wid hae seen fit I meant e'er this time.

If yer nae ower busy drinkin tea, maybe ye'd hae time tae reply tae my letter!

An enraged voter.


Back to top
View user's profile Send private message
Display posts from previous:   
Post new topic   Reply to topic    NorthEastScotland.myfreeforum.org Forum Index -> Ask for Help in the North East All times are GMT + 1 Hour
Page 1 of 1

 
Jump to:  
You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot vote in polls in this forum

Card File  Gallery  Forum Archive
Powered by phpBB © 2001, 2002 phpBB Group  •  Template developed by  vuvu
Create your own free forum | Buy a domain to use with your forum